|
彿典有雲,旗未動,風也未動,是人的心自己在動。
冇幾耐之前,我遇到一個人,佢送咗一酲酒俾我,佢話叫“醉生夢死”,人飲咗之后,無論以前做過D咩事,都可以唔記得,我好奇怪,點解會有一酲咁噶酒,佢話人最大嘅煩惱,就係記性太好,如果可以將所有嘢都唔記得嘅話,以后每一日都會有個新嘅開始,咁妳話幾開心呢?
對于太古怪嘅嘢,我不嬲都唔會太相信。
點解妳成日都望住個雀籠?因為佢好面善。
我唔知佢有D乜煩惱,可能同個女人有關嘅問題。
妳曾經係我最好嘅朋友,不過而家唔係啦。
知唔知飲酒同飲水嘅區別啊?
酒,越飲就越暖,
水,會越飲就越寒。
我曾經发過毒誓,如果俾我見到呢個人,我一定會殺咗佢。
但我冇咁做,因為我見到佢果陣,我對眼已經睇唔到嘢。
年輕時候噶黃藥師係一個放蕩不羈嘅人,佢好容易令人鍾意佢,亦陡好容易傷害到人,黃藥師差D死在一個人手上邊。
有D人離開咗,先會发觉离开果个係最鍾意嘅。
一個人受咗挫折,唔多唔少都會揾個籍口嚟掩飾自己。
++++++++++++++++++++++++++++++++++++++++++++++++++++++
“妳曾經話過要娶我為妻,我又點會唔認得妳呢?!”
“乜我有講過咁嘅嘢咩?”
“當日妳作客姑蘇,我同妳在桃花樹下飲酒,妳借酒醉摸住我塊臉,
話,如果我有個妹妹,妳一定娶佢為妻。妳明知我女兒之身,點解要咁做啊?”
“飲醉酒之后講嘅嘢又點可以咁認真嘅?!”
“因為妳一句話,我一直等到而家,我曾經叫妳帶我走,
“但係妳冇咁做,妳話妳唔可以同時鍾意兩個人,妳鍾意果個女人係慕容嫣。
但點解妳而家鍾意第二個女人?妳知唔知我曾經揾過果個女人?
因為有人話妳最鍾意嘅係佢,我本來想殺咗佢,我足之都冇咁做,因為我唔想證明佢喺。
我曾經問過我自己,妳最鍾意嘅女人係唔係我?但我而家已經唔想知,如果有日我忍唔住問妳,妳一定要呃我,
就算妳個心幾唔願意,都唔好話俾我聽,妳最鍾意嘅人唔係我。”
+++++++++++++++++++++++++++++++++++++++++++++++++++++++
每個人都會為咗D嘢自己會堅持,大家睇落覺得晒時間,但佢就覺得好重要。
我唔知我點解要咁做,但我控製唔到我自己,我走咗之后,果個女人D眼淚會在我臉上慢慢咁乾。
唔知果個女人會唔會為我流眼淚那?(+0)
我以前聽人講,D刀如果夠快,D血從傷口出嚟果陣好似風聲咁,好好聽。估唔到第一次聽到嘅係我自己流出嘅血。
+++++++++++++++++++++++++++++++++++++++++++++++++++++++
第一次睇呢齣戲時,大一,我唔會喊,雖然T生在入邊咁,但反而覺得有幾個鏡頭好搞笑,盲劒同個人博殺時候,要剩番個手點知妳又送條命俾我;慕容燕\慕容嫣輪流通西毒對話時候鏡頭切換;洪七將對鞋丟在個沙漠度,又係赤腳去殺人時;西毒去同村民講數時,着鞋同冇着鞋價錢差好遠;等。
但今日睇呢齣戲時,大四,我唔知個眼淚係幾時流落嚟嘅,我凈係知道個心好痛好痛,當慕容嫣大聲叫果陣,我真係好想同佢咁哎出嚟,“一個人受咗挫折,唔多唔少都會揾個籍口嚟掩飾自己。”當慕容嫣誤以為西毒係黃藥師時,佢講嘅果番說話,當西毒扮黃藥師咁同慕容嫣講咗“最愛嘅係妳”時,原來先发觉呢幾個字,根本就唔難講出口。當點解自己當初唔同自己最深愛嘅人講阿?佢等咗咁耐,凈係想妳講果句“我愛妳”,唔知係咪女人都鍾意硬颈呢?做咗佢大嫂。但等到覺悟果時候,知道原來講唔講呢句說話都已經唔係太重要,果時就已經太遲啦。或者上天就係咁啦,自己嘅老婆愛上自己最好嘅朋友,佢鄉下係冇桃花睇嘅,原來係果女人叫桃花。睇相果個人話佢三十就睇唔到嘢,果日,佢想籌備D銀兩番鄉下睇下D桃花開成點,接咗盤買賣,佢對眼已經睇唔到嘢,但每晚佢都點住一盞燈。佢走個日,強吻咗個女仔,連佢自己都唔知點解咁做,佢交待咗西毒,如果天黑佢冇番到嚟,叫西毒話比黃藥師知,佢鄉下有個女人係度等緊佢。天黑得好快,佢雙眼開始朦朧,佢係俾拶住左手刀嘅人殺咗,一刀。當時畫面齣現咗佢老婆。佢死個刻,估唔到第一次聽到嘅係佢自己流出嘅血。當盲劒嘅老婆望住西毒羅住盲劒嘅手巾時,講:“呢條手巾係我老公嘅”當知道佢咗,轉身攬住個匹馬喊果時,我個心都跟住抽泣。
我唔知愛一個人係咪真係等到失去果時,先知道痛心。我希望如果真係真心鍾意咗一個人,就要珍惜對方。兩個人係埋一起就係要經歷D考验架啦~
部片好睇。嘻嘻哈哈~~~~